أيوة هانت …

كلمات الشاعرة 

سماح مشعل

أيوة هانت …

كل حاجة حلوة كانت

زي ماتقول إستحالت 

غنوتي علي صوت كمانك 

عدا جرحي

فوق زمانك

أيوة أنا مش مشتقالك

قلبي رافض للخضوع

بس وحياتك ما اكحل طرف عيني بالدموع

ع اللي طَفّالِي الشموع

إبعد أبعد

وإفرد المسافات مابينا

وإحنا كٌنا عملنا إيه وقت أما كٌنا غير فِضلت تهد فيا

أحصٌد القسوة الغبية

عِنّد جايز ؟

قهر جايز

غيتك تحصد جوايز في القاسية

لما قولت خلاص جناحها ده اتكسر وبقت ضحية

وإتفاجات إني بصالح

جرحي ع الأيام وأقاوح وارمي أيامك ورايا

آه بعدت

ماهيش حكاية

ما انت جالك يوم وهونت 

حٌط نفسك يوم مكاني لما كنت عليك بهون

لما كنت بحاول افهم ليه بتبعد أو تخون 

ده أنت ياما عليا دوست

كنت غالي والله غالي

كنت غالي واديك رخصت

كلمات الشاعرة 

سماح مشعل