كلمات الشاعر 

رأفت عبد العال

أخاف …

أخاف من كلمة تجرحني

وأخاف من غدر يدبحني 

وأخاف من غربة تخطفني

و ليل قاسي ما يرحمني

وأهه تهز قلب الكون 

يزلزل حزنها حزني

وأخاف م الشيب على راسي

عشان بيبكي إحساسي

على عمري إللي كان سواح

بيهدي الكل نور وافراح 

وبيخبي أنين وجراح 

وملو العين حاجات تحيا

وملو الشوق تحن جراح

وجوه التوهه والعتمة 

بلاقي قلوب لكن قاسية

قساوة قلبها صوان

وتتجدد معاها أحزان 

تعيد الصورة من الأول

تبكي عيوني م الحرمان

سنين فاتت ولا أنسى 

حبايب قلبي العطشان 

عيون الشوق صحيح قاسية

بتبدر نبضي بالحرمان 

و١٠٠ آهه على عمري

 إللي كان إنسان

بحور الشوق تلال عالية

وامتى تدوب الحرمان

ونرجع تاني زي زمان

  كلمات الشاعر 

رأفت عبد العال