الدنيا ماشيه زق
وعلينا نازله دق
دايس مقولتش لا
الدهر منى انحنى
والشعر منى شاب
جوايا مات الفرح
فيه ليل طويل وجرح
والدمع اهه حيران
ما اعرف هترسي لفين
فيه صرخة جوايا
مكتوم بقالى سنين
ويوم ماجيت أفرح
الفرح مكملشى
سراب ما بعده سراب
مخنوق ايامى
جوه الضباب وضباب
لملم خيوط الأمل
واصبر على المكتوب
وصبرت على شكوتى
كما صبر أيوب
شايل هموم دنيتى
والهم مين هيشيل
همك كتير يا واد
حرام عليك ينحرق
ويا الهموم دمك
ونتوه فى الدنيا الناس
طلعت ومنا الروح
وما اتحققت احلام
مكتوب عارف بيقين
الكل قال ده حويط
خايف على بكره
ربك اصله معين
سبحانه سبحانه
خالق كمان رازق
كفيل بكل الخلق
والناس أهم نايمين
يادنيا عندى الأمل
ايه العمل فيكى
كل اللى حاصل ضرب
فيا كمان قسمه
ومش بكيفى الطرح
احترت فى المجموع
والهم زاد الشيب
كفايه عيب خلى
عندك شوية دم
أخدتى ما بيكفى
أرجوكى ما تسيبى
أفرح ولو ليومين
الحن طليس
Discussion about this post