غدرت …

بقلم الشاعر … عارف البديوي

غدرت 

بينا الايام 

وعدت 

فى غمضة عين

وخدت 

منا كل حاجةحلوة 

خلصتنا ربيع عمرنا

وسلبتنا زهرة شبابنا ونجاحنا

وسرقت مننا ضحكتنا

واللى راح 

هيرجع تاني مستحيل 

اللي عدى وفات 

خلاص عدت به الايام

راح الصبا والجمال

عشناهم فى المر شقيانين

ماتمتعناش بلحظة حلوة 

راحت اللمة والصحبة

ورفقات الطريق 

راحوا الناس الطيبين

اللي قلوبهم بالحب مليانين

خدتهم فين يازمن 

وسبتنا من غيرهم ضايعين

كانوا على القلوب غاليين

غلاوة الروح والدم في الشرايين 

كانت دخلتهم علينا

كأننا هانخش الجنة فرحانين

ولما تشوفهم عنينا 

ينشرح القلب الحزين

والضحكة تملي وجوهنا 

وارواحنا فيهم متعلقين 

خبرنا عنهم يازمن

طمنا هانشوفهم ايمتى

دا إحنا لرؤياهم مشتاقين 

والقلب انفطر من فراقهم 

والعيون تزرف دموع عاشتياقهم 

مش باقى منهم 

غير ذكرى وشوق وحنين 

وصورهم على الجدران متعلقين

نبص ليهم وجوارحنا تتألم 

اصلنا مجروحين

منين تجينا المحبة

واللي فضلوا بحياتنا بقيانين

بقلوبهم متحجرين 

وعننا مش سائلين 

إشتقنا للحظة حنين

ماتت الضحكة جوانا

وبحكم الزمن راضيين

مش قادرين نغير الاحوال 

ولا نرجع اللي كان 

ومهما عملت فينا الازمان

على الهموم صابرين

هون علينا يازمن

بفرحة تبكى العين

وتسعد القلب الحزين 

حبا حبا علينا

بشويش بظلمك لينا 

عايزين نعيش مرتاحين

دا إحنا والله غلابة يازمن

وغير الستر مش طالبين

بقلم الشاعر … عارف البديوي