كف وردة …

   كلمات الشاعرة 

منال عبد الرازق محمد

كف وردة …

ايدي لمست كف وردة

  لونها احمر لونه خدي

   همسة من همسات عبيرها 

  خفة الاحساس في قلبي

  قولت ليها وبشعوري

  عاوزة منك عقد لولي

  عاوزة طرحة تل أبيض

  نفس طولها هو طولي

  طرحة متزين طروفها 

  دمعة نزلت وبظروفها

  وقتها انا كنت احوشها 

  جوا قلبي ونن عيني 

  ضحكت الوردة وقالتلي

 عاوزة فرحة تحسي بيها

 وحده قلبك كان لاقيها

  كان بيتنفس في روحك

 لما كان بيدق ليها

 عاوزة تبقي واحدة جامدة

  قادرة على الاحزان تعدي

 في التحدي تخدي دورك

 ع الأشواك قدمك تخطي

 فاهمة قلبك لو في مرة

 هم جابه وقال يزورك

 انتي نسمة شوق جريئة 

انتي موهوبة وحقيقة 

انتي فعلا قادرة تدي

 حب قلبك وبجدارة 

سابقة خطوة جيل

بحاله 

 مالكة مفاتيح احتلاله

 تهدي روحك للحيارة

 نظرتك للحلم شاسعة

 روح مسافرة في دنيا واسعة

 حرة زي نسيم صباح 

 البحر بيهدهد قلوعك

  ملك طوعك كل من سكنه

 في ضلوعك 

 ضحكة مرسومة بتباهي

 فوق شفايفك سهم ساهي 

مش سواهي ولا كان 

حبك ده. واهي

 حبك انتي ورد بيفتح

في عوده

 وقت ضي الصبح اعلن عن وجوده

     كلمات الشاعرة 

منال عبد الرازق محمد