كلمات الشاعرة 

هيومة حمزة

فراق …

……

فراق فراق !

ماأتفرقِت كل اللّمة .. 

وبكينا من جوة قلوبنا …

بكينا لكن علي رُوحنا و وقتنا

اللي إحِنا خِسرناه ..  

علي حُب سبب في جروحنا

وكل حِلو إحِنا عملناه..  

ماعدش ينفع من تاني 

نحِن ونعاتِب بكلام ،، 

ماعدش ينفع ونآمِن 

 دي قلوبنا أخدِت بالأقلام ..  

تعظيم سلام للي جَارحنا 

بقلب مِستعصِي وقادِر  

تعظيم سلام للي خَذلنا

 وقص شوقه من الكادِر ..  

النُبل أصَبح شِيء نادِر 

والأصَل فـ الآخِر غَلاب ،،

والجَرح يوم مابيقصدنا 

بيجي من أغلي الأحباب  

داوينا ياما ياصاحبي أصَحاب 

ولا حَد فَكر يداوينا ،،

وشِربنا من ظُلم الأحباب لما بصراحة استكفينا 

الغَدر فيهم مش فينا 

والصفعه دي كانت مِنهم ،، 

جرحونا بعد ماحبينا  

وخانوا قلبى اللي آمنهم ….

كلمات الشاعرة 

هيومة حمزة

باكينام حمزه