قلبي اللي عاش …

كلمات الشاعر 

على نوح

قلبي اللي عاش

راسمك حجاب

قمراية تهدي الليل غُنا

بقى ع الرصيف

بيمد إيده للفراغ

يتسول الصوت والصدى

يا مجندة آخر مماليك السهر

يغرس في شمس العشق

شتلاية ضباب

كان ليه كتاب هجرك سبق

يكتب في أول فهرسه

صفحة لقانا بالخطأ

كانت شخابيط الألم

ترسم وشوشنا ع الجدار

ونقول قدر

دا مافيش قدر 

يجبر هلال الحُب يخدع نجمته

ويخون ميعادها ع العشا

كَسرت شماعة الظروف

وما عادش لايق ع الأنا

يزرع في غيط الممكنات

شجر الظروف

و أطوف ألملم م الندى

بعض القطيرات التي

جايز في شتواية ربيع

تغسل لقلبك بالصدف

لو ذنب واحد يغتفر

كلمات الشاعر 

على نوح