ياما نفسي أحكيلك عن وجعى
بقى اسمعنى
القلب اتقطع ١٠٠حته
وكمان سمعى
مقفول من ساعة ما قبلتك
وبقولهالك
إبعد بقى وإنسى إنى بحبك
ياسبب تعبى
الدنيا كات حلوة وعايشة
من غير ما ألقاك
دورت كتير جوا عيونك
مالقتش براح
يمكن بيسع كل العالم
ومرة ما ساعنى
ملعونه الناس الغدارة
إللى بألفين وش
يسكونوا جواك زى الحارة
مليانة بغش
يحلفوا إنك ساكن فيهم
تفرد وتكش
وهواك لو يوم عدى عليهم
يملى الابريق
تشرب بمرار طافح ياابنى
بهدومك كش
وابعد عن مرساهم وارجع
وبلاها تخش
النار لو يوم لسعت إيدك
كنت اتعلمت
ألوان الطيف بتزغلل عينك
تعميها ما تبص
والله أنا كنت بقولهالك
ونسيت من النص
كلمات الشاعرة
عزه السعدنى
Discussion about this post