كلمات الشاعر
سامح كامل
إنسى الألم ودوس على خطوتك
خلى الجراح تتوه عن سكتك
عشمان فى ناس باعت العشره
ماصانت فى يوم معروف وموده
إنسى اللى فى الشده كان غايب
واللى فى يوم ماكانوا حبايب
واللى باعوك والتمن خايب
والغدر كان فى عينيهم باين
لكن أنت ياغلبان
عمرك ماكنت جبان
ولا فى يوم خاين
إنسى الألم ودوس على خطوتك
خلى الجراح تتوه عن سكتك
وياللى الغرور مطمعك
والظلم كان منهجك
والحقد فى أساسك
مهما عليت ماهينفعك
غير عملك هو اللى هيبقالك
وعجبى
Sameh Kamel
Discussion about this post