ويكأنك …

ويكأنك …

…… 

ويكأنك حب مالي الروح شجون

  والمعانى الصادقه عيد

 نوع خصوصى من المحبه…كأنها فجري الجديد

تمر شوقي طاب ولسه أنت في مكانك بعيد  

الكلام دا ضرورى جدا 

 عاوزة أقولك

 أنت حب لسه مالقتلوش مثيل

مالي روحي وماحي نوحي

وأبن قلبي المش سعيد .!!

واللي مش ممكن يكون له جوة قلبي يوم بديل

انت وطني اللي غايب 

واللي واخد جنب مني

واللي بتمناه يعود

وأنت سطري وأنت حرفي وأنت قلمي …. اللي مش لاقي كلام يوصف شوقي ليك

وانت نبضي وأنت حالي وأنت مالي اللي مهما في يوم يقل …معاك يزيد

عارف أنت ..

 أنت فضفضه الكلام 

أنت نمنمه الحروف

 أنت معني ماتوصفش في أي بيت من القصايد

أنت كلمه مااتقالتش بأي صوت بين الحبايب

أنت كم من المشاعر لو حتتوزع تكفي الدنيا ليل ونهار غرام

أنت حلم عدي علي روحي بهيام

أنت قلب أتمني أصلي وراه إمام

 ..هي ليه قاسيه الحقيقه

ما أنت ملك لقلب تاني !!

قلب خلاني أعاني ..عشان أناني …

أنت ذنب بدعي ربي مايغفروش!

أنت روح بتمني تسكني وأدوب

أنت دعوة نفسي أدعيها وأتوب

 دعوة ترقي دعوة تشفي

 روحي من كل الذنوب …….!!

كلمات الشاعرة 

هيومة حمزة

باكينام حمزه