الحب دا ملهوش زمن …  

   كلمات الشاعرة 

شيرين عبد السلام

الحب دا ملهوش زمن …

الحب دا ملهوش زمن

وملهش سن ..

من غير حنانه الروح تإن

والضحكه جوه القلب بيه ومعاه ترن

الشوق رميلي النبض في الزنازين 

وانا برضه عايش وحياتي همس حنين

حنيت لقلبي رواني كحل العين

كحلت عيني سهرني عشقه سنين

كل أما تكبر تلقى حبك زاد

زادك معاك مشغول بألف ميعاد

شهد الأحبه بتعطره ياسمين

و الوصل طالل وذكريات تنعاد

وحكاوي شوق بشمعها تنقاد

كل الحكايا بتحلف بحبها الأحفاد 

نبض المحبه كأنه صوت عصافير

يا ربوعي ضوي بطلتك وإنسي البعاد 

الحب دا صوت الغنا

تقولشي عناقيد م الهنا

مجدوله بنسيم الحياه

نهرب معاها للفضا

ونجوم تدور وتدور معاها قلوب كتير

تسحر عقول الناس تطير

كأنه كبش من الفدا فيهيم بأرواحنا الرضا 

 وكأن نجانا القدير من شر برد الزمهرير

 والحب مش بس لحبيب

 اللي لما يغيب عليك شمسك تغيب 

الحب أصل لكل شئ

حب الوطن لو حتى عنه غريب

حب الحياة رغم الألم تلقى الفرح منك قريب

حب حلمك صدقه وإحلم معاه

وانسج من خيوط الفجر ليك طوق النجاه

وإلمح خطاوي البدر وإعلن فرحتك

علم خطاوي سكتك بنجوم سماه

حب الإله تلقاه حبيب تلقاه طبيب

وف عز توهتك للدعاء راح يستجيب 

ويحلي ف عنيك رحلتك

من الولاده للمشيب

بس الخلاصة ومنتهى القول ف الكلام

بتقول تمام

الحب دا ملهوش زمن

ومالهوش سن

من غير حنانه الروح تإن

   كلمات الشاعرة 

شيرين عبد السلام