في حضرة جمالك يتوه الكلام
أشرق واغرب وأنسى السلام
تقولي تعيدي ولو يوم تزيدي
ينبض وريدي يطير كالحمام
أحبك أقولها بكل اللغات
ومهما أقول ما اوصفش الغرام
مشاعري بتكبر رغم الظروف
وحالي اللي أصبح اكيد مش تمام
بجمع يا بلدي كل الحروف
وصعب إن الاقي لوصفك كلام
أنا الظل عندي في أرضك أمان
وحضنك ده قصري وأجمل مكان
ده اسمك يابلدي يصحي الحنين
ويحيي مشاعري اللي صبحت ركام
أنا ابنك وهفضل لآخر الزمان
واقولك ياأمي في عز الظلام
بقلم الشاعر
يوسف منسي
Discussion about this post