ياعيد الاضحى …

بقلم الشاعر … عارف البديوي

ياعيد الاضحى  …

مالك بتوضب شنتك ليه 

حبه حبه علينا ياعيد

عايز تسيبنا وتروح بعيد

مستعجل كده ليه 

اصلي ياحبايب قلبي 

اجازتي معكم خلاص خلصت 

ولازم ارجع تاني 

لمستودع الامانات 

للايام والليالي 

واستنى هناك 

لمى يجي موعد لقانا تاني من جديد 

مااقدرش اتأخر اكتر من كده 

اخاف مالحقش طائرة الزمان اللي حاجز فيها 

ارجع ازاي لمكاني من تاني

مع السلامة ياعيد 

ربنا يجمعنا معاك من تاني 

اصلك السنة دية 

كنت جميل معانا قوي 

ورجعت الفرحة للسوريين

ورجعوا للحج من تاني 

والله انا برضه كنت مرتاح معاكم وسعيد بوجودي وياكم 

لكن اعمل ايه 

مهمتي من رب الوجود خلصت سامحوني وماتزعلوش مني 

مع السلامة ياعيد 

هاتوحشنا والله 

باي باي بقى ياحلوين 

بقلم الشاعر … عارف البديوي