حاسك يافرحه قريبه
شايفك يانور جاى من بعيد
شايف أحلام متحققه
فى رؤيه غابت من سنين
شوفت نفسى فيها فارس
راكب حصان عربى أصيل
بيجرى بكل سرعته
وساعتها كنت انا ماسك اللجام
وبهدى بإيدى خطوته
صحيح يافرحه هتزورينى
والبشرى جاتلى خلاص
إوعى تسبينى
والضحكه هترن وصداها
هيرقص أوتار القلوب
حاسك قريب يافجر الأمل
حاسس وجودك انما
ناقصنى فرحه غابت من زمن
عايش على رؤيا شروق
شمس النهار بتزف حلم بيتولد
حاسك يافرحه قريبه
شايفك يانور جاى من بعيد
كلمات الشاعر
سامح كامل
Sameh Kamel
Discussion about this post