بقلم الشاعر والكاتب … عباس ابو عادل 

رطين أخرس …

مشـاگـف 

والشبـچ … وذّاح بعنوگـه

مگـالـب 

وي رديس الفـال بالبوگـه

مبـايِـع . 

يا هَبـايـه الـروج لحلوگـه

منذور الترف . والجـايع يضوگـه

مذمـوم ابّخـل 

والسردين خرنوگـه

آآآه يـااا عيشـة البـلّام

يركض والمنايا . تغـالب الحُوگـه

وحشة يـا ليالي العوز

نـاااار . وتلهط الناگوط بطروگـه

منــــين أبـدي 

والنهـايـة مضبّرة 

بـ سن خـاتمـة بـدواي

شـاگت ما تلاگت . حرزة مبيوگه

لا ينفـع نـدم 

لا سند لا ركن وباس

لا قـوة جنـح لا الاقدار مسبوگـه

تعـاااال .. 

انظر درر

العـاقل فاهـم المقـدار

حدود الثمن جوهر

وآنـه أثمـانـي 

بـ طوگـه. 

.. 

. بقلم الشاعر والكاتب … عباس ابو عادل 

. العــ🇮🇶ــراق