كلمات الشاعرة
قوت القلوب
لما تهمس ربع همسه
صوتها يشبه للجيتار
قلبه يخرج بره منه
حاله زي الإنشطار
هي تبقي ف عينه نجمه
هو يبقي لها المدار
يبتسم.. تضحك عيونها
تبتسم.. يطلع نهار
يلقي بين أحضانها جنه
وف غيابها يحس نار
هو دا ف الحب دايما
يبقي معني الإنصهار.
أما إحساس المرار
لما يبقوا اتنين بعاد
وامايبقي السد بينهم
والميعاد غير الميعاد
يبقي نفس مكان جامعهم
والمسافه تكون بلاد
عمرها ماتكون أميره
عمره مايكون سندباد
يعني لو زاد العناد
يبقوا موتي بالحياه
كل خطوه بيمشوا فيها
تبقي عكس الاتجاه
والبعاد ح يزيد مداه
لما تبقي شوارعه ضلمه
واما تبقي الجنه نار
الغرام هو المخلص
هو تكعيبة نهار
يجتمع فيه الأحبه
تحت شمس ماتنطفيش
بالغرام، القلب حتي لو يموت..
يرجع يعيش
والسعاده ما تنتهيش
لما صوت البنت يهمس
واللا صوت الواد يدندن
يبقي لحن جيتار ويمكن
يبقي من طعم السعاده
لحن تاني..
بصوت ملايكه.
…………………
Kout Elkloub
Discussion about this post