جوه زوري

……جوه زوري ……..

انا عندي كلمتين محشورين

جوه زوري

تعبت مناهدة إني أكتم السر

واداري

وافضل اتألم لوحدي

أنا إنسان مقهور من الاحزان

ونويت افضض خلاص

كل اللي باقي مفيش

مايستهلش رغيف

دي قطمه مغبونه والسم متخفي

ليه كل البشر مفكر

إن مفيش غيره

وان عزة النفس حصريه

لجنابه

مفيش فايده هما هما

محدش بيتغير

كل واحد في برج عاجي

حاطط رجل على رجل

متسلطن ابن بارم

ديله

محدش مقصر في حق

نفسه

كله شايف هو ماله بخنقة

البشريه حواليه

ومكبر جمجمته عن النزول

لأرض الواقع

ماهو باع وقبض سبوبته

بكفايه

فؤاد المهندس فرش أرض

الاحلام شيكارة رياء

واستعلاء ومفيش إيواء

مايجيش منه كله رايح

كله فاني بس المشكله

عقول مهندله وركنه الحكايه

شيكارة الطناش

واكفي ع الخبر وبور

بيولعه فينا التاريخ والجغرافيا

ويرسمه بالطباشير على وجه

المحن شاعر مثقول أحزان

وطنه نافزه ضلوع ضلوعه

وملحمة اعتناقه حريه وحياه

همه الأكيد على مر التنهيد

لكن ياخساره ومية خساره

جاي رايح منه له ولا عزاء

لهؤلاء المبعوثين

قصرا وحصريا على الاضاد

ومنين نجيب ناس لمعناة الكلام

يتلوه

تموت فداكي ياجريحه

كل قلوب عفيفه

تميل لعرف الحق وجهاده

وتبكي عيون نصرة نبض اجداده

وكل يوم نتذكر زعيم كامل

ولا عرابي في جياده ولا

غيره من الفرسان

كرام ابرار ضحايا الحلم

أوطان بتتشدق روح

وحرف نضال

ووطن يصرخ كل لحظه

مين باع مين اشترى

مين كتب على باب الوزير أضغاث

وغرقت الأحلام

معدش غير كلام سفسطه

وكتير أوهام

ودارت الأيام ومرت الأيام

كفايه كفايه ماهو مفيش

منوال غير قصر الكلام

دمعات على خد السكات

واتفسرت روايات

بمر حنضل الروايات

بقلمي الشاعر عماد شكري حجازي

الخميس 2/5/2024