بقلم الشاعرة … نجوى النوي 

 ملّيت …وتعبت 

مليت من الدنيا …ومنها غلبت…

ومن همها تعذّبت …

ولا عدت نترقب رجاها …تعبت 

تعّبني شره ناسها…

وشربت من مره العلقم كاسها

وقلبي التورّط في لحاف قياسها

لافرحت فيها يوم …لا لا طربت 

خالطت فيها من خيار اجناسها 

والحظ ماعندي معاهم غبت

حظّي معاهم غاب 

والي مشيته فدربهم سراب 

ودّيتهم وما كان قلبي في الهوى كذّاب 

صاع الجفا تسقيت منه شربت

وظنّيتهم احباب وظنّي خاب 

ووعيت ملي عرفتهم تنكبت

ملّيت من الدنيا …ومنها تعبت  

بقلم الشاعرة … نجوى النوي 

تونس