متلومش الناس

متلومش الناس بعد مابتفوق مالغيبوبه

دلأنه عشان كان مش شايف مين بيساعده

فبيصحي يدوس على سلك الماسك إللى أداله هوا يتنفس

وبيكسر قلب الانبوبه

الناس مشاعرها بقت سيليكون مصنوع وأزاز

دالأعمي ياراجل إن فتح  أول مايشوف بس الدنيا

بيكسر بيده العكاز

مع أنه سنين سانده وشايله  ولكنه عشان شاف يوم غيره

بقي ينكر فضله وجمايله

بقى عادي تشوف أقرب إنسان ليك في الدنيا

هو إللى بينكر كل جميل كان يوم وياك

بقي أسهل من صب المية  إن أنت تموت بأدين الشخص

إللى أنت حيته في يوم بهواك

مش صعب تعيش مع شخص سنين تبني في بيته

وأول ميكمل بيته نساك

مستغرب ليه يعني سيدتك  ما الورد. . أول ما يفتح عينه ويحلى

بيدوس ع العنقود وبيزرع…… في مشاعره جنينه من الأشواك

فياك تحزن لو كنت في يوم تعشق إنسان

وفلحظه كسر قلبك ونساك

متعش الحب وتتمايل على انغامه

الحب إن لحظة اداك فتفوته  من السكر

هيرشق قلبك بسهامه

أتعلم من أخطأ غيرك دالحب وحشته في علامه

وإن لحظة هربت من سجنه ومن سجانه

لازم هتجرب يوم خنقه من شد الحبل وأعدامه

الحب خلاص مبقاش موجود غير في الأشعار

والجنه إللى بتحلم بيها … طوق لمشاعرك

الطوق موجود …….لكن من نار

وإن حد في يوم قالك هنساك لو معملتش

صدقني دا جد

أصل الكلمات القاسية جحيم …  مش ممكن تطلع وقت هزار

فالناس مشاعرهم قلابه

بيكونوا لحظات الحمل الطيب بعيونه

وفلحظة ضباع جاحده ديابه

فنصيحه بلاش بقى تتعشم

والله أنا قلبي ونبضاته الخوف هشم

كل مشاعره

نبضاتة بتتنفس أحزان

والهم مسيطر على قلمه وكلام شعره

مبقاش بيشوف في الدنيا. آمال

والموت استرخص دقاته  وكمان  سعره

بالله أتعلم من قلبي ومن أخطأه

والله ماكان فيه يوم زيه في سخاه ومشاعره وعطأه

بس علشان حب وصدق ..كان لازم يوم  يشرب  همه

ويقطع أحشائه عذابه

فنصيحه بلاش تغلط غلطي أنا قادر أعبر عن حزني

بالشعر الشعبي وبالفصحي والعمي المصري وبالنبطي

ولكني عاجز عن إني…..  أتخلص  من حبي و عبطي

كلمات الشاعر

حماده عركز