صدفة …

كلمات الشاعرة 

ناديه زكى

صدفة …

آخر مرة شفتك فيها كانت صدفه

شفت ورود بِتزيّن خدك

قلت أما أقطف منهم قطفه

خد قساوتك نام على خدى

قامت البسمه وقالت انسي

أصل قساوتك كلها حرفة

 آخر مرَّة شفتك فيها

كانت صدفة

الشوق جوايا صاحى تمام

ليله يطبطب يمكن أنام

نفسه يسلّم أو يتكلّم

دا بيكسرنى كتير ايام

شوق محبوس مخنوق باللهفة

من آخر مرّه شفتك فيها

         وكانت صدفة

فرحة قلبى لمَّا لقيتك

شفتك واقف قدام بيتك

واتهيألى…..

اتهيألي تاخدنى في ايدك

واطلع.. واسأل عن أحواك

انت تمام .. ازي عيالك

هوّ انا يعني ماجتش فى بالك

افتح قلبك ليَّ بغرفة

آخر مرة شفتك فيها

 كانت صدفة

كل ماشوفك ليه مستعجل

ليه بتفركش كل مابعدل

انت الورد جوا قصيدتى

إمته أشمه ورد جنينتى

وعطرة يفوح ويعدي العاصفة

آخر مرة شفتك فيها

كانت صدفه

دأنا من غير ك عمرى ماهفرح

قوللى ازاى بتعيش وبتفرح

قول لحبايبك إنك نني

انت ماقلتش كلك منى

نفس الضحكة.. ونفس الألفة

ايوه حبيبى

انت وبس٠٠

انت وبس الأجمل منى

ذنبى إنى حضنتك نطفة !!

آخرمرة شفتك فيها أوعى

تصدق إنها صدفة.

كلمات الشاعرة

ناديه زكى

Nadia Zaki