أنا مره حدفت العمر الباقي اللي فاضللي …

كلمات شاعر البحر

السيد عبدالفتاح

أنا مره حدفت العمر الباقي اللي فاضللي 

على حته رخام

فلقيت الصوت مكتوم

مافهوش رنه

فقعدت أفكر واستنى

وأشب براسي على الجنه

يمكن طراطيف عقلي تجيبني

وأشوف علامات

استشهد بيها اما اتحاسب

أو حتى أقول آهي تصبيره

فلمحت الفاضل ف جبيره

سكران من غير حتى البيره

ف عرفت إن انا براني

والحلم ان كان ميت فيا

ف انا مت عشان هو عماني

فعملت سونار

للعتبه بتاعت حتتنا

والدنيا اللي تساع لمتنا

أتاريني مدغدغ من جوه

مليان داعامات

والتعلب بيهز ف ديله

ف عز الازمات

فنويت أتطهر م الأحلام

واتوضا كويس قبل م انام

ف اوعاك تستسلم للكوابيس

أو تسند على حد مخروع

أو ترهن معظم أيامك 

من غير ضمانات

كلمات شاعر البحر

السيد عبد الفتاح