الحب الحزين

كان في زمان قلبين…..
بنظرة اصابت العينين…..
بسهم عشق وفي غمضة
عين اصبحوا حبيبين….
جمع بينهم حب وشوق وحنين…
كانوا عطشانين…..
شربوا من نهر الحب الجارف
وشبعوا بعد ماكانوا جعانين…
نسيوا نداء العقل وسدوا الاذنين…
وكملوا من غير مايفكروا
ان حبهم هيجرح ناس تانيين…
مشيوا في سكة العاشقين….
ولا حسبوش في يوم غدر السنين….
ولا اهتموا بكلام الناس وانتقاد
الحاقدين….
غابوا عن وعيهم كانوا انانيين….
وحبهم هيتسبب في جرح مين….
مفكروش ان الحب وجع لقلوبهم
وهيتحول لانين….
الدنيا وخداهم علي فين….
وشيلالهم ايه والوجع جاي منين….
من فرااااق ولا حب صامت حزين…..
بعد طريقم ما كان واحد اصبح طريقين….
ماشيين عكس بعض في سكة
التايهين….
سامعين صوت الناي الحزين….
بقلب مكسور مقسوم لنصين….
بيبكوا علي اللي ضاع من عمرهم
وبيتمنوا لو يرجع يوم يعيشوا
في حبهم متهنيين….
لكن ياخسارة خلص المشوار علي
غنوة المظلومين…..
اللي الدنيا حرمتهم من حقهم
ومش راجعين….
مخبيين وجعهم جوة قلوبهم
ولا بيهم حاسين……
ياتري هتغلبهم الظروف وهيعيشوا
مهزومين…..
ولا الشوق هيرجعهم لحبهم
ويعيشوا راضيين مبسوطين…..

كلمات الشاعرة
حسنه محمد