تؤأم الروح

وإيه ممكن يكون يعني؟!

ما بين بعدك

وبين قلبي اللي واجعني

قابلتك صدفة ولقيتك

شبيه الروح

وجوَّا القلب خبيتك

بقيت الروح

بلاقي في سكتي طيفك

منين ما بروح

ومن غير حتى ما أتكلم

بتفهمني وتسمعني.

عشقت العشق من روحك

ومن بوحك ب ادوب ف هواك

وعشت ف كل تفاصيلك

عشقت الكون مدام وياك

يسيبني قلبي ويجيلك

عشان يفضل تملِّي معاك

ولما ابعد بعيد عنك

حنيني بيك يجمعني

عينيّا غير عبنيك إنت

ما بتشوفشي

وأنا جنبك بكون في أمان وما بخافشي

هـ اخاف من إيه وطيفك

ضلي لما أمشي؟!

وما أحلمشي

لمرة في حلمي تدارى

والاقي الحلم يفزعني

يا قلبي والحبيب لسه

معاك روحي تكون حاسة

ولا هنساك ولا هانسى

حياتي بعيشها من قربك

وأموت لو يوم تودعني

،،،،،،،،،،،،،،،،،،.

كلمات الشاعرة

سناء البنا