محاولة زجلية

محاولة زجلية🙏

هجروني الأحباب
وصارت خيمتي خاوية

وخلاو قليبي الحزين
شاعلة ناره ݣادية

وحدي نسقي شجرتي
وهي جذورها لاوية

وحدي شاردة في الطريق
وما عرفتش لاين غادية

وحدة مني تقول عييت
والأخرى تقول هانية

وحدة تقول لي باركة
ووحدة بهمي راضية

نستاهل أنا اللي كانت
أحلامي فيك عالية

أنا اللي كان ظلي وفير
كيف اوراق الدالية

أنا اللي خديت ظلامك
باش تكون حياتك ضاوية

كلمات الشاعرة
مريم واحمان