خماسيات ضباب

خماسيات ضباب

ياشمــس غايبـه يـاقــمـر مخنــــــــــوق
قلبــي عليكــي مــن الأســـى مـحــروق
مش قــــــــادر اطيربك ياحبيبتي لفوق
ياسمرة ياللـي هـــــــــواكي حيـــــــرني
أنــا اللـــي عاشقك بس مش معشـــوق
***
رسمت ليكي الجنــــه في الأحــــــــلام
وشقيت عشانك ايــــام ورا ايـــــــــــام
وعبـــــــــــــرت فيكي مـــــن آلام لآلام
اتاري الحلم ليكي من زمــــان ممـنــوع
وانااللي لسه عبيط عايش على الأوهام
***
وباموت يوماتي بنفس اختناق المـــوت
اناروحي جوايا وموتي جوه السـكــوت
واصرخ ليلاتي وصرختي بـــلا صـــوت
ومش قـــادر اني اكــــــون أيــــــــــوب
وصبحت يونس جوه بطن الحــــــــوت
***
وباغني ليكي رغم القلــــق والخـــــوف
ومــن غنوتي نبـض الأمــــــل محذوف
واكمني صادق غنـايا مانيـــش معروف
وياما غنـــاوي دايــــــره ع الفاضــــــي
لابتداوي جــريح ولاتسعــف الملهـــوف
***
ولســـه الضبــــاب ع الصـــــوره بيعتـّم
وبقيت جبان قـــوي من الجرأة متيتـّم
ويفيد بإيه العلـــــم والجهـــل متحــكم
انــااللي عــــايش جـــــوه قبـــر كبييير
والدنيا من غدرها علـــى خبري بتكتــم
***
ياسفينه في البحر تايهـــــــه من الربان
والموجه عاليه عليكي وبتبعد الشطـآن
م كنتي ع البر راسيه واقفه بخيروأمان
والدفه مسكاها والبوصله في عنيكـــي
ليه ياعبله بتفوتي عنتر وتمشي للتعبان
***
وبرضه ماشـي فـي سراب مفــتووووح
نساني يأس الحقيقة عناوين الطمـــوح
وكل ماباجيب دوايابلاقي فيه الجروح
وكأني تـــور معمي في ســاقيه متكتف
من البدايــــــه لنفس البدايـــــه بـاروح
***
ياروح مابعدك روح مـــوتي وارتاحـــي
وريحيني معـاكي من حزني وجــراحي
ليلي معاكي طويل ماوصلش لصبــاحي
الناس تنام الليــــــــل وانـا وحـــــــــدي
مع الهموم والألــم طــول المسا صـاحي
***
سامحيني يانفــــــسي دانا مكســـــــور
واللي انكسر بيخطــرف كمـا المأســــور
الدنيا ظالمه وضلمــه مافيها طاقـة نـور
انا زي خيل ملجوم بيجــري فـي مكانه
أنافيا سبعين ألم ومانـيش لاقي دكتور
***
انا طير ضعيف مــن الريح فــرمن عشه
ودا هشه ودا داســــه ودا نشــــــــــــــه
انااللي عبى الخسيس من لقمتي كرشـه
انا اللي تايـــــــه في البـــــلاد بلا قيمـه
اناللي رعب السنين عشــش على رمشه
***
يارب انت الأمل ومافيش أمــــل غيرك
والدنيا دي كلها عايشه مــن خيــــــــرك
راحة العباد والسعاده بإشــاره من ايدك
اجبر اوام كسرنـا بالعطــــف والرحمـــه
واكسرصخور الضباب بلمسه مـن نورك
•••
خماسيات
شاعر الإحساس
رضاعبدالحميدحسن