(وبشّبِه حد)

وبشبِه حد كان ميّت

ودبِت فيه الحياه فجأة

ويبقي العادى وشوية

لو صابُه الجنان فجأة

لأنه مكنش بيصدق

بإن فى لسه ناس صادقة

ماشفش ف دنيته زيك

ولا حَس الأمان قبلك

ولا يوم حتى شاف فرحة

ولا عاش قبل مايقابلك

ولو مستغرب اكمنى

بحبك حُب جَـنّـنِـي

تشوفني تندهش منى

وروحك تبقي متفاجئة

ف انا دايماً بقولهالك

انا انثى ف هواك دايبة

هتفضل روحى بقيالك

وطول العمر لك عاشقة

كلمات الشاعرة

حنان الجوهرى

Hanan El Gohary