أحِبُّكَ ربِّي

رَبِّي أنا

مِحتاجَة لَك

خُدني ف رِحابَك ضُمِّني

يمكن أكون انا مُذنبة

أو يعني اكون بابعِد شوية

عن طريقَك سكتَك

أنا روحي بيك مِتحَجِّبَة

بَاتمَنَّىٰ اكون فِ مَعِيتَك

بدموعي باغسل فِ الذنوب

وف كل فَرض أنا باتوب

كل الذنوب ياربي إنِّي بس

بابعِد ساعات

بانسىٰ ساعات

لكن بسرعَة بافتِكر

كل الحاجات

واخضَع واجيك مَغسولة خُوف

وعيوني مش عارفة تشوف

تبكي تعيَّط لاجل توصَل شَكوتي

يارب إرحَم ذَلِّتي

واغفِر لي سَهوي والَّلمَم

الكُون ظَلَم

وانتَ ياربي عَدل في أرض وسما

وانا خاضعة ليك

وعلىٰ البيبان مِتوَسِّمَة

تِرحَم عُيوني وتِشفي قلبي

مِ الذنوب

أنا عاوزة اتوب

رَبِّي أنا.. مِحتاجِة لَك

كلمات الشاعرة

منى عبد الرحمن