أيوة بحبك,,,,,
كلمات الشاعر
جمال عبدالعظيم
طبعا واعي للي بقوله
وجايلك فايق قولت بحبك
تعرفي ليه؟؟؟؟لأني بحبك
كلمة بقالي سنين مداريها
وحلم حياتي أفضل جانبك
ضاع العمر من التفكير
إزاي اقولها لما أقابلك
إني بحبك
وأنا دلوقتي واقف قدامك
محتاج اسمع منك ردك
محتاج كلمة حب حقيقي
ونبضة وحيده تدق في قلبك
وأخطف حبك
وأكتب لك من قلبي قصيدة
تحكي حكاية غزلي في حبك
أصلي بحبك
وارسم قلب مابين حرفين
حرف لاسمي وحرف لاسمك
وأخطف لك انا م السما نجمة
تنور لك في حياتك دربك
وأوهبلك عمرين فوق عمري
جوة رصيدك ويطول عمرك
وأبنيلك أجمل بستان
تطرح فيها جناين وردك
أصل انا مهما أكتب عن حبي
يا حياتي مقدرش اوصفلك
أوصف قصة عبله وعنتر
دول ما يجوش كده ذرة في حبك
ولا حكاية قيس مع ليلي
كلام في الفاضي يتوه عقلك
أما حكاية حبي أنا ليكي
حب حقيقي ويعلم ربك
كل كلام الحب انا قولته
وكل كلام الشعر اتقالك
محتاج اسمع منك كلمه
ومحتاج أسمع منك ردك
أصلى بحبك
كلمات الشاعر
جمال عبدالعظيم
لمسة فنان
Discussion about this post