كلمات الشاعر
محسن عبد العليم سلام
بلاش غياب …
=======-
ودى كلمه منى لحته منى
بلاش غياب
القلب يقلق والعين بتدمع
وكتير عتاب
والفكر يسرح وكلمه تجرح
عند الغياب
ونعمل إيه ماهو دا نصيبنا
والقلب داب
لو كان بإيدنا كنا استرحنا
من العذاب
دالعمر لحظه بيمر سهوه
والقلب شاب
ولحد امتى تعيش يا قلبى
سنين عذاب
ما كفايه هجر وكفايه فرقه
خدلك ثواب
وتعالى قولى طمنلى قلبى
القلب طاب
مستنى منك كلمه حلوه
تكون جواب
تقولها حالا تقولها بكره
بلاش غياب
كلمات الشاعر
محسن عبد العليم سلام
Discussion about this post