كان نفسي أقول له كلام كتير
من غير تقييد..
من غير ما عيونكوا تلمحنا
ويزيد الهم بهم جديد
انا خايفة أشاور مرة وأقول
دا حبيبي ياناس
واقولها كتير وبصوت عالي
ولايقدر حد يسكتني
ولا يمنع نظرة شوق قلبي
لما تروح له مليانه إحساس
انا قلبي كان ٠٠٠٠ قبلك دبلان
وانت رويته
و ندى الصبحية اهو زاد لهفة
لما ناديته
اول ما شاركني ف إحساسي
قرب وهمس لي
أنا حبيته
انا عارفة خلاص كل الأحلام
سقطت على الارض
من أول نبته ف ايامي
والفجر الطارح نسماته
بالطول والعرض
ابتدا يدبل
ياخلق ياهو
ما تغموا ليسانكوا عن روحنا
لو مرة ٠٠٠ وبس
أو سيبوا شجرة أحلامنا
بالنبض تحس
خلونا نجرب إحساسكم
ونكون عاشقين
من غير ما عيونكوا تجرحنا ونكون مساكين
مش عايزة حسنة ف يوم منكم
وسيبونا عايشين
كلمات الشاعرة
ماهى احمد
Mahy Ahmed
Discussion about this post