كلمات الشاعرة
عزة أحمدابوزيد ابوزيد
الورد مات ف يوم ربيعه
والعيون طالبة المدد
والشعر جن و جوه حارة
بين ايديه ناسي العدد
والقلم ماشي بيرسم
بلونات
ناسي الالم
يسحر قلوب
ثانية تدوب
والجمال يصبح عدم
فوق غصون متربعة
وبسمة حلوة مننا
لما تاه القلب منه
غني احلا ملحمة
علي وشها مرشوشة كومة
من التراب
اتكتف القلب ف حناني
فجاة يعلن ف الحداد
ع اللي غاب
و اللي مد ايديه في ثانية
للجواب
والعشم كان الهدية
طعنة كات جوا الفؤاد
لما الزناد
يقتل طريق سده العناد
والقلب جوا الشرنقة
عاشقة انا و ..متشعلقة
وحيطان جماد متزوقة
تشبه لعش العنكبوت
وانت مين ؟؟،
قول جاي منين
انت خوف
بتجينا تهدم ف البيوت
ولا انت حزن الدنيا
جوا الشرنقة
كلمات الشاعرة
عزة أحمدابوزيد ابوزيد
Discussion about this post