كلمات الشاعرة
هاله جاب الله
خوفك بيضغط ع الزناد
على قلب قادر ع البعاد
و العيون نفس العيون
تحمي الل فاضل م الغياب
نفس الوعود الل حكيتها
والسلام اللى في عيونك
لاجل ما تمارس غِواك
شكلك حزين
رغم ابتسامة عينك
المليانه شوق
فانا ليه ماكنتش قادرة أفهم نظرتك يوم الفراق
يوم ماقلت
حبي ليك منك أنت
واكتسبته
من مرور الشوق لـ حضنك
حق مسلوب الإرادة
فازاي أنا في العشق حالة لاكتمال؟
وازاي أكون لك
جوه نارك / .جنتك؟
درويشه من محاسيب خيالك
شارد بعيد
وف حيطه سد
وزعت كل طوفان حنيني بارتباك
انا مش هكون لك نَص عادي في الكتاب
تقراه /تمل
ماعرفش ليه قلبي شافك
فارتبك
على اد عمري الل قضيته في الغياب
شديت قميص الشوق بايدي
فانقطع لحظة لقاك
عودت عيني ع الفراق
( ونويت اصوم عن كل أشكال القلق )
كلمات الشاعرة
هاله جاب الله
Discussion about this post