ربما اصطفاني

ربما اصطفاني

وراني كيف الموت عزيز، صاحب مزاج

خلاني ليل و نهار في سيرته بارتجِل

( أقسم برب الناس الضربة وجعتني

نسيتني طعم النوم، و القهوة، و كلامنا )

طول الأمل غرقة

مش فارقة مين مع مين، لحظة ماسحبوا الدم

لحظة ماسكبوا الهم فوقي و سابوني بــ ائن

ماشي يابني آدمين، قاسيين ماتستاهلوا

عيب الحزين جهله، بالجرح لما يحِن للي جرح تاني

وراني كيف الخوف ونيس

عَمِّد قصايدي بالخيال

حببني في الصبار، دُقت العطش طبعًا

خدني في حضنه و باس راسي بقيت أحسن

(ما أدهش الشدة

و الصبر و الوحدة

و الدمع لما يفور، و يعبي روحي بجمر)

بالأمر شُفت الآتي

شلال هموم فايضة، عايدة عليا بقهر

بالأمر برضه عندت، و وقفت فوق وجعي

قُلت: اصطفيتني ليه؟

أنا شايله ياما ذنوب

قال لي: الذنوب بتدوب طول ماالآلام صاحية

و الوصل م الأسرار

(بيني و بينه عمار

بيني و بينكوا غبار الزحمة و التسقيف

و بقيت بانام تخاطيف

طيف الحبيب آفل

و الجرح شرحه يطول)

باب الدفا مقفول

ما أشجعك ياحزين

وقت الحنين مهزول، في السِر بتعاني

جايز تحزن

كلمات الشاعرة

رشا الفوال