( اكتب يا قلم)
كلمات … صبري حسين
عايز أكتب
القلم مش مطاوعني
كل ما ابدا
يهرب مني
بأعلي صوته
يصرخ في وشي
ارجوك ابعد عني
عايز ايه مني
مالك يا قلم
ليه زعلان مني
ده انت الوحيد
صاحب عمري
دايما ملازمني
في حزني قبل فرحي
انت الوحيد شاهد علي كل أحوالي
انت اللي بتعبر عني
من غيرك يطلع كل اللي جوايا
ليه يا قلم عاصي
رد علي يا قلم. طمني
نطق القلم
انا موجوع قلبي
من اللي بيحصل حولي
قتل وتهجير
في مكان الدمار
ارجوك سامحني
مش قادر اكتب عن الحب والحنان
الحزن معشش كل المكان
جاوبت القلم
والله يا قلم
كلنا عايشين الألم
دايقين المرار
لكن احنا مش أصحاب قرار
لا نملك غير الصبر
سلمنا لله الأمر
كلنا يقين أن بعد العسر يسر
ربنا مع المظلومين
قربت نهاية الملعونين
أعداء الإنسانية والدين
خليك يا قلم دايما صاير
الظلم لابد يكون له آخر
النصر لا محالة قادم
النصر لا محالة قادم
اكتب يا قلم
عبر عن كل المشاعر
اكتب يا قلم
اوصف كل اللي حاصل
اكتب عن الابطال
اللي صامدين
كلهم ايمان
إن النصر من رب العالمين
النصر باذن الله للمجاهدين
اللي واقفين مرابطين
النصر لفلسطين
النصر لفلسطين
بقلم الشاعر … صبري حسين
Discussion about this post