كلمات شاعرة البحر
إيمان رضوان
هو انتي مين؟
========
سيبي قلبك وأسألي
ومتعصريش فيه الحنين
خليني اعيش أجمل حياة
نفسي أسألك؟؟؟ هو أنتي مين؟؟؟
لو كنتي فجر في ليل غرامي شقشقي
ليه تغربي….. متغربيش
سيبي مشاعرك
تلتقي مع طفل تاني بيتولد
ليه يعيش حزين
انا قلب عاشق شاب معاه الحلم
جواه من زمن
كان نفسه يوم يلقى الحنان
بصيلي فرضه م العشا….. ويروح ينام
قبل اما انام برسم على حطاني اللقا
ومنلتقيش……
صحيح بشوفك حلم عايش بحلمه
ولكنه مكتوب ع الجبين
اني اشوفك واعشقك
ف اليوم سنين
يا شمس عمري اللي ابتدي
ورجعت اعيش من كلمتين
اسرح في عينك وارتوي
من بحر عشقك والحنين
جوايا شئ ديما يعيش
والشوق فى قلبى ما ينتهيش
بعيش معاكي وكلي طيش
وانسي الأنين….. وانا بقى مين؟؟
هو ا نتي مين؟؟؟
كلمات شاعرة البحر
إيمان رضوان
Eman Radwan
Discussion about this post