حبك هزمني

حبك هزمني ..

وشدني لحالة إنهيار

حسيت بإن سكوتي نار ..

وضلوعي أكبر م القفص والوحده والحزن اللئيم

خبيت دموعي وشعري الابيض

وابتسامتي الزايفه ليكي

وذكرياتي ف ركن ليل

دوّرت ياما على الدليل ..

مالقيتش حاجه تقول بإني مازلت حيّ

مطحون و زيّ الخلق متحاوط ظروف

مكتوب على جبيني الوجع

واهو كله خوف ..

بكره اللي جايب صبحه جوه الملزمه

مضطر يجمعنا ف صفوف

ويقول لنا حازوا الطابور

الكل يركب في الوابور

صفارة العمر إنتهت

وغيابكوا مكسب للجميع ..

أنا كنت ليه من غير وجودك بانكسر

أنا ليه باضيع ..

كلمات الشاعر

محمود يحيى

Mahmoud Yehya