ياصديقى

.          ياصديقى

فكك م ال قاعد يحكيلك

عن بطولاته وعن فروسيته

عامل فيها سبع رجاله

والأصل ماعداش على بيته

بطل العالم فى الحكايات

أخطر واحد فى الحوارات

سوبر مان جيله وعنتيله

تمشى وراه تدخل  متاهات

اوعى تماشى واحد كداب

ولا يعملك أي حساب

ضهرك ضهرك

وشك وشك

ندل ما عنده ملام  وعتاب

العيب ان كان من أهل العيب

يبقى لا عيب ولا طبع غريب

بس الجدع ان مره يخيب

تبقى الغلطة عليه بحساب

معقول معقول

كوكب أرضى بعرض وطول

مفيهوش كام  سالك معدول

الفاتحه على أصولك يا أصول

احنا هنفضل على مبدأنا

سايقين ولاحدش يسبقنا

رزقنا مش واقف على حد

ربنا هو اللى بيرزقنا

بقلم الشاعر الحن طليس