كل اللي باقيلك

كل اللي باقيلك

كات خطوة

يادوبك خطوة

بين قرب وبعد

تيجيني بشوق

قلبك محروق من نار البعد

محتاج يحضن قلبي ويهدي

يا لقينا راحتنا بعيد عن بعض ..

” كان باقي لسه كمان كلمه”

فاضل كلمه ..

كَتَمَتَهَا فِيِك..

تقولي بحبك من قلبك

وتبان لمعتها جوه عينك

قلبي كان عايز يسمعها

ويرد يقولك أنه شاريك

لا الكلمه إتقالت ولا خطيت..

جاي بتسأل ليه دلوقت ؟

عن المشاعر و الـ ذكريات..

خلاص عدا حقيقي الوقت

فـ بلاش تقلب فـِ اللي فات

و #مـاتـسـألـنـيـش..؟

عن العشق اللي سكن قلبين

و كملوا بعض فـ أحلامهم

عن الروح اللي إنقسمت لأتنين

وأتقاسموا فرحهم ووجعهم..

#مـاتـسـألـنـيـش..؟

وأنا مش هعمل فيها ضحيه

وأعيشك دور الجاني

ولا هَـ لعب دور المثاليه

وأقولك بَعِدِي هتعاني

“مش فارقه نعاتب صـدقـنـي”

وألومك ..!”

كنت بتخدعني..

ولاعـاشـقـنـي .. ولا أناني”

أنا عارفه القصه اللي ما بنا

فاهمه الأحساس اللي شَاغَلنا

وعارفه أننا بنعاني..

” إحساسنا كان زي الكميا”

مش أي حد هيفهمنا..

وخلاص لليأس إستسلمنا

وبإيدينا وافقنا علي فراقنا

ومفيش حد ظلم التاني.

مـاتـسـألـنـيـش..؟

كلمات الشاعرة

عزه عامر