“فلسطين” بقلم هيام الشهاوي

##فلسطين ##
لملمى جراحك ياغالية
وعهد منى
مافى غاصب يوم هياخدك
غصب عنى
واوعدك والوعد دين
نرجع نغنى
مش أنا اللى اشكي ولا اعرف الألم
ولا أرضى يغتصبها اندال غنم
واشكى تاره وتاره أقول دا بنتظلم
مش هتبكى طول ماانا
عايش عشانك
مش هسلم لو فى يوم
جه ندل هانك
يومها راح نمحيه فى أرضك
وفى غيطانك
يومها راح نرميه لديبك ولحيتانك
وبحجر من نار هنرجم بيه شيطانك
لو يفكر بس يوم يسكن مكانك
أوعى لحظة تندمى
ولا يوم تستسلمى
داحنا روحك وانت روحنا
لو تهون تتألمى
ماانت شاهدة م البداية
لو يإسنا اتكلمى
دم اخويا اللى اتهدر
ولا ابويا اللى اتغدر
كل دا وحياة ترابك
مش هسيبه يروح هدر
واستعدى يا أ س ر ا ي ل
الحق صوته و عمرة طويل
من امته كنتى قوية ؟
من امته وانت عفية؟
دا الحق صوته بيعلى
ع الظلم للبشرية
الحق راجع راجع
لبلادة للحرية