محمود البحيري بدونك كل شيء أجمل

بدونك كل شئ أجمل
وعايش وحدى دون إصابات
معدتش بشرب القهوه ولا استنيت ف يوم إشارات
رجوعك ليا من تانى .

بقاوم قد ما بقاوم لكنك جد وحشانى .
وفي ف الأوضة شئ غايب مهوش كامل
حلمت ف يوم نكون مع بعض
وتبقي الطاقه والعامل

حلفت ب إن لو جه وقت
وخدنى الموت وانا سايبك
هسيبلك قلبى ومشاعرى
وصوره وخصله من شعرى
هسيبلك كل شيء ذكرى
هكون الماضي والفكره
هكون موجود ف حساباتك
وعدتك إنى مش همشي
حلفت حبيبتي بحياتك ما هبعد يوم ولاا اتخلى
أنا من قلبى حبيتك وعمرى ما كنت بتسلى
معاكى الوضع أصبح غير
ووحدى حبيبتي انا اتعذبت
وقالوا الناس كتير عندك
وجالى الوقت يوم وعرفت
ب إنك كنتى وخدانى
طرف تالت مهوش تانى وطيف ف علاقة منهيه
برغم ب إنه وياكى وإنك كنتى مش ليا .
رجعتي وقولتي بحتاجلك .
هتبعد وابقى انا علاجك وهشغل كل تفكيرك
أنا والله مرتاحه و إيدي كمان ف إيد غيرك
وعايشه حياتى زى الفل .

وانا الأهبل عشان حسيت ف قلبك حاجه غير الكل
احن عليا من أهلى ومن ناسى .

ورجعت انا بندم ع الايام .
علي قلبى وكل اختياراتى
بندم علشان صدقت ف يوم إنك هتكونى إنتِ مراتى .

دلوقتي دخلت خلاص قبرى وصبرت معاكى حقيقى كتير
وبسببك إنتِ نفذ صبرى وعملت انا فعلاً ذنب كبير

ندمانه وندمك يفرق إيه
بعد أما حبيتي انتِ اخترتى
لو كنتى يوميها انتِ صبرتى
واخدت انا فرصة وفكرتى
كان حالنا يجوز مبقاش هوا
كان قبرى هيفتح من تانى وانا هرجع للدنيا بقوه
وهلم جراحك واداويها .
كان يحصل إيه لو حنيتى ومشاعرك ليا انا سبتيها
كان وارد جداً اكون عايش لو حتى غلطتى وقولتيها
كان ممكن أبدأ عمر جديد .
واعيش وياكى حياة تانية
كان يحصل إيه لو فكرتى إني الأيام وانتِ الدُنيا
كان يحصل إيه.!
#مفترق_الطرق
#معرض_القاهرة_الدولي_للكتاب2021 🖤

كلمات الشاعر / محمود البحيرى