ياحضرة المتهم
بالسن والشيبة
ليه استكتروا سترك
واتندروك عيبة
بَرية كعاب الميل
ف الشقشقة والليل
والشوق لطعم الشقا
ليه نظرة متسابة
ياحضرة المحترم
يابن (الأصول ) والجود
شاغى ف ضريحك غنم
ناسي أوان الدود
مين انتشى بعدك
غير بوم وغربان سود
ياحضرة المَعنى
آه ياعزيز عينى
فين راحت المغنى
والهدهدة لدينى
فين حس طعم العرق
والبوس على جبينى
ياحضرة الأُُبّهة
والقولة والمرجع
اصرخ أنا فاض بى
لو خيّروك ترجع
سيب الحجر يرمح
وابسط خَواك مرتع
=======
كلمات الشاعرة / غادة الكاميليا
غادة الكاميليا تكتب ياحضرة المتهم
Discussion about this post