بقلم الشاعر … محمد ابوالخير
فرض …
عمرى ماهنسي اننا حبيتك
وانتى قابلتى الحب بغدر
نفحات هله علينا بخيرها
وممكن ادعي فى ليلة القدر
بس أنا هدعي يطول عمرك
واني اشوفك ديما بدر
وبماإن اننا راجل عاقل
عمرى ماخدت الدنيا بصدر
أصل الحاجه الله يرحمها
سابتلى وصيه أنا ماشي عليها
قالتلي يابيرم اوزن ناسك
حتى الحب يكون بالقدر
ولما تصاحب صاحب… وحزر
واوعى في مرة تخوض فى العرض
ولما تدوق المر اتأني
واوعك تمضي وتعمل قرض
وإن حبيت اربط على قلبك
اوع توطى الراس فى الأرض
أصل الحب ازى كانش مبادله
عمرة فى مرة ماينفع فرض
أنا حافظ لوصيتك ياما
بعد ماقلبك بطل دق
وبنفذها في دنيا الباطل
وانتي بعيده وفي دار الحق
يبقي ازاي ادعى على حببتى
ومهما هايوسع بينا الشق
بردو هارمم ورجع ابنى
وفوق شباكها…..
اعاود دق…
بقلم الشاعر … محمد ابوالخير
بيرم المصري
Discussion about this post