كلمات الشاعر
وائل رشوان
إزاي بعيش ؟!
في إجابه واحده عن السؤال لو إنت لسه ماتعرفيش ؟!
إن الحياه لو تنتهي أرحم بفقد ما ينتهيش
فـ ما تسأليش ؟!
كل القلوب
بيمنهجوها بعرفهم ويسفلتوا ليها الطريق
رحلة رحيل
شنطة سفر… حبة صور
و الذكريات متعلقه من راس وديل
وخطاوي بدأه بألف ميل
كان مين يميل علي سكتك ؟!
ومين يشيل مـ الوسوسه 2000 بديل ؟!
كام صوره قامت بالرحيل.. ؟!
كام حد هاجر رحلتك ؟!
مين اللي كمل خطوتك ؟!
مين بس بكى ضحكتك ؟!
مين باع وداس علي وردتك ؟!
مين صالح الايام عليك ؟!
كام حد زود دمعتك ؟!
عد الصور كده عدهم
مين اللي مات…مين اللي فات !!
مين اللي باعك من سكات ؟!
مين اللي ساب وسط الكلام حبة كلام ؟!
مين اللي صابك بـ السهام ؟!
مين اللي ساب الذكريات ترسم أهات على شكل يشبه منحرف !!
كام ألف كان على شكلهم جوا الخانات
خيالات لناس.. مالهاش أساس
بوستارها هو المحترف ؟؟
وانا باعترف
إن النصيب مكتوب علينا ف الچينات قبل الجبين
و إن اللي كان قلبَك تقابله يجهلَك ويقول ده مين
درويش وقلبٍك كدبهُ
يأما عايش كسرته.. يأما حي يموت حزين
والوحده كيف
الوحده كيف
وكيف يرول ف سكته كل الكلام ويكلمهُ
وكيف يعلم وحدته تبقى الكيان
وكيف يشوف فيك الخيال من غير منام
وكيف بيقفل بإهتمام كل البيبان
حتي اللسان اوقات بيقطع ردتهُ
ف ما تسأليش
الأنثىٰ عُنصر من وجع ما بينتهيش
إنتٍ الحقيقه في منطقه متكلبشه بشريط افيش
وانتٍ الجينات
وانتٍ النصيب
وانتٍ الحنين والذكريات
وانتٍ التماس والمنحرف..
وانتٍ المَعيش
الضلمه منهج ذكريات لو إنتٍ لسه ما تعرفيش
وأهي دي الاجابه.. عن السؤال
لو السؤال ازاي ب اعيش ؟!!
كلمات الشاعر
وائل رشوان
Wael Rshwan
Discussion about this post