كلمات الشاعرة 

  سناء البنا

قرار البعد …

…………….

طاب هاتلي برّ وانا ارسي عليه. 

شارينى ولاَّ خلاص بايع. 

وانا ليَّا قلب.. أنا قادرة عليه

مهما ظلمته .. أهو مطاوع

مش عايزه منَّك غير كلمة

أو وعد، وتكون يوم أدُّه

مش مرة تِعْلي بقلبى لْفوق

ومفيش يومين تيجي تهدُّه

كتير أخدت قرار البعد

وارتحت من حيرتي في هواك 

ترجعلي تبكي، ومليون وعد

وتعبت قلبي كتير ويَّاك

رسيني علي حالك طيِّب

هـ تْكون بعيد ولا قريِّب

بتحب من قلبك… ولاَّ

هـ افضل أنا فْ جرحي أطيِّب

   …………..  

كلمات الشاعرة 

  سناء البنا