ياواش ياواش
بس ماتنساش
الشعر صوت الملايكه ف الفضا
الشعر حبه فضفضه
الشعر وجع الغلابه المرتضى
الشعر حياه لازم تتعاش..
ياواش ياواش
بس ماتنساش.
الشعر الحلال .
لاينسرق
ولا ينحرق .
ولا يتحجر عليه
الشعر مش كرافته يابيه
ولا ايه.. مش عارف ايه
ولا شاعر ستات حواليه
الشعر سرسوب محبه
مافيهوش ولا خاين ولا غشاش
ياواش ياواش
بس ماتنساش .
كتب الشاعر مصطفى البحر … يا واش يا واش
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post