كلمات الشاعرة
كريمة السيد
ولسة بحلم بيوم قمرنا فيه مضوي
وسمانا صافية خالية من الغيوم
والهنا بدروب عمرنا يزيد ويدوووم
العمر كله مش بس يوم
ولسة بحلم بيوم خالي من العتاب
واللوم خالي من الآهات وانين
الحكايات وقهر وقسوة الهموم
ولسة بحلم كمان بالامن والامان
والخير والسلام والمودة والعرفان
والتقدير والاحترام
ولسة بحلم بجد بنفووووس خالية
من الكره والعند والنكران والعصيان
والصد والأخد دون رد وظلم يعم
جبروته فاق الحد
أيوة بحلم ولسة هحلم كتير بعالم
يحكمه صحوة ضمير يراعي حقوق
الإنسان في كل زمان واي مكان من
غير تمييز أو تفضيل
وهفضل احلم بكل تحدي واقول
الصعب مسيره يعدي والامل كله
في رحمة ربي يقين ثابت داخل
نفسي ومالك قلبي
الحلم مستحيل يكون ممنوع الحلم
مباح مشروع من غير إذلال لسطوة
جاه وشهوة مال ولا فرمان لظالم
جبان بالركوع والخضوع
أحلموا قبل ما الحلم يضيع مننا
او يُغتصَب قدام عنينا وغصب
عننا
وساعتها مش هنلوم غير نفسنا
وهنندم أشد الندم على تقصيرنا
فى حق مصيرنا……. وبرائة حلمنا
……………………
كلمات الشاعرة
كريمة السيد
« ولسة بحلم بيوم قمرنا » للشاعرة كريمة السيد
Discussion about this post