كلمات الشاعرة
سناء البنا
( غربال حبايبي )
قالولي هز غربالك
نقي اللي يفضل م الحبايب
واللي ينزل م النخاله
يبقى دون ومالوهش نايب
خوفت اهزه ولا اصفي
ما القى حد جه في صفي
واللي كان غالي عليا
القي شره ملو كفي
خايفه يا غربال حبايبي
القساوة تبقي نايبي
واللي سند العمر جنبي
خيري عنده كان مكفي
بس هو مالوهش عازه
وف عهوده مش موفي
قولت أبعد عن وصاله
قلبي يكفي اللي جرا له
كل شخص اذاني دايماً
هاشتكي للمولى حاله
كلمات الشاعرة
سناء البنا
Discussion about this post