كان زمان … بقلم : حسنه محمد

كان زمان تجرح وأسامح….
تمشي وتبعد وأقول هيرجع….
وأنسى قسوة أمبارح…..
تجدد هواك من جديد
ترجع وتعند وتأسى وتبعد
عندك قلب صعب يسامح
وكانه من جديد….
كان زمان بعدي عنك يفرق معاك…
تجيني بسرعه وتراضيني..
تقول سامحيني راجعلك بشوقي وحنيني….
عمر بعدك ماكان هين…
انتي البسمه والهمسه والنور لحياتي واليقين
افتح دراعي واخدك في حضني واقول سامحتك يانور العين….
أجري عليك حاضنه عنيك…..
انسي روحي واللي عملته
يفرح قلبي ويناديك….
توهنا وتوهتنا الحياة
في طريق ممنوش رجوع….
عذاب وآهات ووحدة
مفروش بالدموع….
أخرتك معانا ايه يادنيا
ليه ماشيه بالمقلوب بتعذبي القلوب…..
ليه دايما عايشينك بقلب موجوع…
لاعارفين نبعد ولا نقرب
ولا نبكي بصوت مسموع….
اااه يادنيا اهدى علينا شويه
سيبي الحبيب لحبيبه…
وبلاش يحلالك تعذيبه…
كفايه ضربك في الممنوع….