(كتب … ألحن طليس)

أنا لما جيت أكتب عنك
منسيتش يوم انى منك
وانى من طينك وأرضك
كنتى فرحى ف عز وجعى
كنتى دايما شايله همى
لما بتروحى تغيبى
افضل وحيد بلا اى حد
واشتاق وشوقى عجيب
ولا ليه مدى ولا لوهش حد
كل النجوم تنطفى
كل الوشوش راح تختفى
ولا اشوفش غيرك اى حد
ليه غدرتى ليه بقلبى
بقيتى انتى اصل جرحى
بقيت غريب اهلى وناسى
م الظلم طول عمرى بقاسى
وامتى فيكى القى خلاصى
وارسى يوم على اى بر
كان يومها لازم أبقى عارف
ان حلمى مش فى ايدك
يومها لازم أبقى خايف
حتى من نبضة وريدك
ياما عيشت ليكى ياما
شوفت فيكى الابتسامه
أفتكر كل اللى فات
والحياة ترفض سكوتى
وانا اللى مش قادر
و قلبى عمره ما هينسى هواه
مكتوب على قلبى
يبكى حبك
ودموعى تحلالى معاه
أنا مهما الوجع جانى منك
عمرى ما قولت ف ساعة آه
وكيف أنا يوجعنى قلبى
وأنت الالم و انتى دواه
بس خلاص…! ٤