كلمات

 الشاعره …  صابحه

لو شفت حبيبي اللي عشقته سلم لي عليه

كان اكتر حد بيوجعني

وانا وجع أن زاد بسكت اوقات

وبقول هتعدي وايه يعني

انا كنت بنام علشان احلم

بايامنا الجايه الورديه

وصحيت من نومي لقيت نفسي

هبله وبجد غبيه

ازاي صدقتك وانا عارفه

ان انت اصلا مش ليا

قدم لي وعود واحلف لي كتير

وقال لي اكيد مش هتخلى

قال لي هسافر شهرين

قلت له حبيبي انا هستنى

سافر وتغير بالكامل

كل القسوه دي جات له منين

بيقول لي ما حدش فينا كامل

رديت في العادي وقلت اسال امتى هنتقابل

رد عليا وكان رده نتقابل فين

انا اصلا جددت اقامتي وهقعد سنتين

سامحيني ما قدرتش اوفي بوعود كدابه

ساعديني اطلع من وقتك

وبلاش تظهري قدام نفسك انك متسابه

رديت عليه وانا مش فاهمه ده بيحصل ليه

وسالته عليه وقلت له

لو شفت حبيبي اللي عشقته سلم لي عليه

        كلمات

 الشاعره …  صابحه